“Një apo dy kandidat mund të marrin 10 mijë vota në Tiranë”/ Duma: Aleatët e PD-së në renditje shumë pozitive

 Grida Duma, anëtare e kryesisë së Partisë Demokratike dhe kandidate për deputete në Tiranë, tha se aleatët e PD-së janë në një renditje shumë pozitive.

“Le të jemi realist tani, sa individë mund ta thyejnë herësin në Tiranë? Një apo dy diskutoni ju, maksimumi, teorikisht, se unë e quaj shumë të lartë herësin 10 mijë e ca në një farë mënyre në këtë betejë. Pra, bëhet fjalë për një apo dy. ” –tha Duma.

Sipas saj dhe analizës që ajo bën sa i takon njerëzve që janë të karikuar për të kërkuar vota nominale, rezulton se votuesit e Partisë Demokratike janë ata që kanë sakrifikuar më shumë nga çdo forcë politike dhe që po presin zgjedhjet me padurim.

“Votuesi i PD-së është më i karikuar dhe po pret me padurim se çdo forcë tjetër politike. Nuk e shikojë votuesin e PD-së që të lëkundet në raport me aleatin apo në raport me këdo tjetër”, u shpreh ajo.///