OSBE/ODIHR ka nxjerrë raportin më të mirë paraprak të gjithë historikut të zgjedhjeve

Kryeministri Edi Rama u shpreh sonte në një intervistë televizive se OSBE/ODIHR-it ka nxjerrë raportin më të mirë paraprak të gjithë historikut të zgjedhjeve.

Ai u ndal tek fitorja e PS-ë më 25 prill duke theksuar se “PS ka një organizim kapilar që e bën një makineri fitoreje”.

“Për herë të parë dhe të fundit si PS ne kemi qenë me vota nën PD në 2005, ndërsa nga 2009 e këtej kemi qenë parti e parë me rritje”, u shpreh ai.

I pyetur mbi akuzat për blerje votash, Rama tha se “të gjitha sondazhet përputhjen me rezultatin e zgjedhjeve”.

“Në sondazhe sondohet gjithë populli dhe duket kur ka votë të deformuar. Për sa i përket OSBE/ODIHR-it ka nxjerrë raportin më të mirë paraprak të gjithë historikut të zgjedhjeve dhe nuk vë fare në diskutim zgjedhjet e drejta, korrekte, legjitime”, tha Rama.

Ai theksoi se “PS është forca më e madhe dhe më e organizuar politike që shqiptarët kanë njohur ndonjëherë”.///atsh///