Shërbimi Meteorologjik Ushtarak bëri të ditur se ditën e enjte vendi ynë do të ndikohet nga kushte atmosferike të paqëndrueshme.
Moti parashikohet me vranësira dhe alternime kthjellimesh të herëpashershme. Reshjet e shiut priten të jenë prezente që në orët e para të ditës. Reshjet pritet të jenë me intensitet të ulët në pjesën më të madhe të territorit, përgjatë vijës bregdetare e pjesërisht përgjatë Ultësirës Perëndimore reshjet pritet të jenë me intensitet mesatar e lokalisht të lartë në formën e shtrëngatave afatshkurtra shoqëruar me shkarkesa elektrike.
Reshjet nga orët e pasdites pritet të humbasin territor dhe intensitet duke u izoluar në jug- juglindje të cilat pritet të jenë me intensitet të ulët e lokalisht mesatar. Në Alpe dhe në lartësitë 1000-1200m pritet reshje bore me intensitet të ulët. Shikim i reduktuar në zonat luginore në momentin e reshjeve.
Era parashikohet të fryjë nga kuadratin e veriut me shpejtësi mesatare 1-7 m/sek, ndërsa përgjatë vijës bregdetare dhe zonat luginore fiton shpejtësi 10-12 m/sek shoqëruar me valëzimin në dete të forcës 1-2 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 3/16 | Re shi |
| Kukës | 4/7 | Re shi/borë |
| Lezhë | 12/15 | Re shi |
| Dibër | 0/11 | Re shi/borë |
| Durrës | 8/20 | Re shi |
| Tiranë | 10/20 | Re shi |
| Elbasan | 8/20 | Re shi |
| Berat | 8/21 | Re shi |
| Vlorë | 11/20 | Re shi |
| Korçë | 6/12 | Re shi |
| Gjirokastër | 7/15 | Re shi |
| Sarandë | 13/22 | Re shi |
ME SHUME LAJME
TURIZËM – TTW: Nga plazhet e kristalta te historia, ndryshojnë preferencat e turistëve në Shqipëri
Sarandë. “Princess” cruises e kompanisë më të madhe Holland-Amerikan, paraprin 14 krociera të tjera gjatë vitit
Sarandë. Mbërrin krocera e parë me turistë për vitin 2026-n.