Ditën e enjte vendi ynë do të ndikohet nga kushte atmosferike relativisht të paqëndrueshme për shkak të masave ajrore të lagështa me origjinë perëndimore.
Moti parashikohet me vranësira mesatare deri të dendura si dhe intervale të herëpashershme dhe afatshkurtra me kthjellime (diell) kryesisht përgjatë vijës bregdetare e pjesërisht Ultësirës Perëndimore nga orët e mesditës e pasdites. Reshjet e shiut me intensitet të ulët pritet të jenë prezent që në orët e para të ditës në pjesën më të madhe të territorit e lokalisht mesatare në zonën veriperëndimore e jugperëndimore. Në orët e pasdites dhe mbrëmjes në zonën e qendrës priten reshje me intensitet të ulët (në formë pikash), ndërsa në zonën e veriperëndimit reshjet pritet të jenë hera herës me intensitet lokalisht mesatar në formën e shtrëngatave afatshkurtra. Në lartësitë mbi 800-900m reshje bore me intensitet të ulët e lokalisht mesatar.
Era parashikohet të fryjë me drejtim nga kuadrati i lindjes me shpejtësi mesatare 2-9 m/sek, ndërsa përgjatë vijës bregdetare si dhe zonave luginore era fiton shpejtësi deri në 12-18 m/sek shoqëruar me valëzimin në dete të forcës 3-4 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 8/12 | Re shi borë |
| Kukës | 4/5 | Re shi borë |
| Lezhë | 8/12 | Re diell |
| Dibër | 2/6 | Re shi borë |
| Durrës | 8/17 | Re diell shi |
| Tiranë | 11/16 | Re diell shi |
| Elbasan | 8/12 | Re diell shi |
| Berat | 9/17 | Re diell shi |
| Vlorë | 11/15 | Re shi |
| Korçë | 4/8 | Re shi borë |
| Gjirokastër | 7/14 | Re shi |
| Sarandë | 10/17 | Re shi |
ME SHUME LAJME
Sarandë. “Lavazh makinash” por shisnin kanabis, arrestohen dy.
Sarandë. Referohen tre persona në polici: për falsifikim pronësie, shantazh dhe dhunim
TURIZËM – TTW: Nga plazhet e kristalta te historia, ndryshojnë preferencat e turistëve në Shqipëri