Shërbimi Meteorologjik Ushtarak njofton se sot vendi ynë do të ndikohet nga kushte atmosferike relativisht të paqëndrueshme për shkak të masave ajrore relativisht të lagështa me origjinë jugperëndimore.
Moti parashikohet me vranësira mesatare deri të dendura si dhe alternime të herëpashershme me kthjellime (diell) dhe kryesisht me këto të fundit përgjatë ultësirës perëndimore. Në orët e para të mëngjesit në zonën e veriperëndimit dhe jugperëndim parashikohen reshje shiu të herëpashershme me intensitet të ulët dhe lokalisht deri mesatar.
Pas orëve të mesditës, parashikohen reshjet e shiut të herëpashershme dhe intensitet të ulët në një pjesë të madhe të territorit. Mjegull e dendur lokale dhe mjegullinë kryesisht në zonat luginore, si dhe shikim i reduktuar në momentin e reshjeve të shiut.
Era do të fryjë me drejtim juglindje – jugperëndim me shpejtësi mesatare 2-8 m/sek, ndërsa përgjatë vijës bregdetare e lugina hera-herës pritet të fitojë shpejtësi dhe bëhet intensive 10-16 m/sek, shoqëruar me valëzimin në dete të forcës 3-4 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 7/16 | Re shi diell |
| Kukës | 5/11 | Re shi diell |
| Lezhë | 8/16 | Re shi diell |
| Dibër | 4/13 | Re shi diell |
| Durrës | 11/17 | Re shi diell |
| Tiranë | 10/17 | Re shi diell |
| Elbasan | 6/17 | Re shi diell |
| Berat | 7/18 | Re shi diell |
| Vlorë | 11/18 | Re shi diell |
| Korçë | 5/13 | Re shi diell |
| Gjirokastër | 6/18 | Re shi diell |
| Sarandë | 10/18 | Re shi diell |
ME SHUME LAJME
Sarandë. Referohen tre persona në polici: për falsifikim pronësie, shantazh dhe dhunim
TURIZËM – TTW: Nga plazhet e kristalta te historia, ndryshojnë preferencat e turistëve në Shqipëri
Sarandë. “Princess” cruises e kompanisë më të madhe Holland-Amerikan, paraprin 14 krociera të tjera gjatë vitit