PORTRET. Doktor Niko Shomo, me humanizin dhe mallin për Sarandën.

Nga Koço KOSTA

Takimet, per me teper daljet familjarisht me Niko Shomon, jane nga me te desheruarat dhe me vlere. Kaq shume vite njohjeje dhe miqesie! Te them eshte njeri i rralle e i vecante, nuk kam zbuluar ndonje gje te re. Mjeku yne, kardiologu i njohur, qe nuk ka lene lagje, per te mos thene dhe shtepi ne rreth te Sarandes pa trokitur, hyre e lene keshillen e tij te vyer mjeksore e njerezore. Intelektuali me kulture e boteformim te gjere, prindi e familjari shembullor, specialisti i kompletuar, fjala e te cilit eshte degjuar deri ne foltore nderkombetare.

Me te njejtin ritem, pasion, energji e perkujdesje vazhdon edhe sot ketu ne Athine. Per te nuk ka moshe. Nuk jane te pakta pjesemarjet e tij ne seminaret kombetare greke dhe ato nderkombetare, mbi arritjet dhe aplikimet e te rejave ne lemin kardiologjik: France, Angli, Itali, Gjermani, Qipro etj

Edhe me te kendshme, me rrezatuese me te perzemerta e emocionale i bejne takimet tona ardhja ne Porto Raft. Nje gjidet i qete, qe ne kete fillim vjeshte pranverore, behet edhe me rehatues, kujtimndjelles teksa ngjason aq shume me Saranden tone te thellezemres.

Kemi e themi shume. Shoke, miq, te aferm, fakte, ngjarje, ndodhi te perbashketa e deri ndjesite e sotme. E, ne se ne “shoshitim hallet tona”, grate tona, Lida dhe Zhani, shpleksin shtellungat e embla familjare si nikoqire, gra, nena, gjyshe.

Shtjellohet e plugojne bisedat e kujtimet, aty ne shetitoren anedetit e, aq me teper, kur kaperdihen me meze te ngrohta zgare e gote vere te kuqe tek lokali i Dhimitrit, si ne llokocitje te dallgeve.

Nikua, me euridicionin kulturor e formues qe ka te ben per vete, me nje fjale te qete e bindese. Te hap shtigje e te çon perpara, interesuar te dije reagimin e vleresimin e perballe. Brenda tij ka shume shqetesim e dhimbje per njerezit, zhvillimin e kohen. Te gjitha mbeshtjelle me nje mall,- mallin per Saranden.

Ndaj takimet tona behen gjithmone e me te shpeshta se kemi ende shume e shume per te thene, biseduar e kujtuar. Shendet e jete, Nikua im i dashur!///