Po vijon me intensitet dhe pa u ndalur puna, për ndërtimin e rrugës Kardhiq–Delvinë, 16 km e gjatë në jug të vendit, një nga projektet më të rëndësishme infrastrukturore, me impakt pozitiv në ekonominë dhe turizmin e vendit.
Deputeti i PS-së për qarkun e Vlorës, Alket Hyseni ka publikuar pamje filmike nga ky aks rrugor, duke u ndalur në pamjen e tunelit të Skërficës, ku tashmë është kryer pjesa më e vështirë e punës.
“Përveç dy segmenteve që të çojnë tek tuneli, është përfunduar shpimi i gjysmës së tij, 400 metra nga krahu i Delvinës dhe 200 metra nga drejtimi i Kardhiqit”, shprehet Hyseni, teksa shtron pyetjen retorike:
“Si thoni, do kalojmë këtë vit apo jo?”.Ky aks është cilësuar një nga rrugët më prioritare ekonomike-turistike të vendit, që shkurton me 3 orë kohë nga Tirana në Sarandë, duke i dhënë një hov të mëtejshëm zhvillimit multidimensional të zonës dhe vendit.
Pak kohe me pare gjate nje interviste ne nje televizion Alket Hyseni e ftoi gazetarin qe te kalojne se bashku ne tunelin e Skerfices per Krishtlindjet e ketij viti.//ATSH////
ME SHUME LAJME
”The Times” . Nga Mesdheu në Afrikë: Riviera Shqiptare mes vendeve më të rekomanduara për pushime
Takimi i Ramës në Vlorë, zbardhen porositë e kryeministrit në prag të sezonit turistik.
Njësitë elitë të policisë në Shqipëri e Greqi, stërvitje të përbashkët në Tiranë