Sarandë. Arrestohet drejtuesi i “Ford”-it të përfshirë në aksidentin ku humbi jetën një 42 vjeçar

Arrestohet drejtuesi i “Ford”-it të përfshirë në aksidentin ku humbi jetën një 42 vjeçar.

Specialistët e Qarkullimit Rrugor të Komisariatit të Policisë Sarandë arrestuan në flagrancë shtetasin T. B., 45 vjeç, banues në Tiranë, pasi ditën e djeshme, duke drejtuar automjetin tip “Ford”, në rrugën “Skënderbeu”, Gjashtë, është përplasur me një motomjet, me drejtues shtetasin M. K., 42 vjeç, i cili për pasojë humbi jetën.

Materialet procedurale i kaluan Prokurorisë, për veprime të mëtejshme.///