Sarandë: Balluku inspekton punimet për ujësjellësin në zonen e Limionit dhe Lugu i Dardhës. Parashikohet edhe një linjë transmetimi në Kodrën e Marinës.

Ministrja e Infrastrukturës dhe Energjisë, Belinda Balluku, të mërkurën e 22 qershorit ka inspektuar punimet që po bëhen për zgjerimin e rrjetit të ujësjellësit në Sarandë, i cili do të furnizojë me ujë të pijshëm zonen e rruges “Baba Rexhepi” ne Lagjen nr.4 dhe zonen Lugu i Dardhës.

Sipas ATSH-s aktualisht këto zona informale kanë mungesë të theksuar të furnizimit, një problematikë e mbartur ndër vite, ndërsa përmes këtij investimi synohet t’i jepet zgjidhje kësaj situate duke e përmirësuar ndjeshëm.

I pranishëm ishte edhe drejtor i Agjencisë Kombëtare te Ujësjellës -Kanalizimeve dhe Infrastrukturës së Mbetjeve, Klevis Jahja. Këto zona informale, sipas Ballukut kanë mungesë të theksuar të furnizimit – një problematikë e mbartur ndër vite – ndërsa përmes këtij investimi synohet t’i jepet zgjidhje kësaj situate duke e përmirësuar ndjeshëm. Investimi perfshin edhe rehabilitimin e depos me një kapacitet prej 2 mijë metër kub, ndërsa po punohet për rrjetin e transmetimit dhe më pas atë të shpërndarjes.

“Pas këtij investimi do të rritet sasia e furnizimit me ujë për këto zona, të cilat vërtetë janë ndërtuar, por realisht kanë akoma potencial për tu zhvilluar dhe kjo infrastrukturë aktualisht i jep një mundësi zonës që të marrë të gjitha shërbimet me ujë. Investimi parashikon dhe lidhjen me sisteme matëse individuale, për të gjithë. Janë rreth 2 mijë familje dhe 200 biznese. Aktualisht flasim për 10-15 mijë banorë. Gjithashtu pjesë e investimi është parashikuar edhe një linjë transmetimi në Kodrën e Marinës e cila i paraprinë zhvillimit të zonës”, tha Jahja.

Balluku duke iu referuar investimeve në zonën e Sarandës, përmendi edhe përfundimin e rrugës Kardhiq-Delvinë, si dhe përmirësimin e infrastrukturës në rrugën e pikës kufitare të Qafë Botës te cilat do të rrisin akoma edhe më shumë fluksin e vizitorëve duke nisur që ka ky sezon turistik.///