Sarandë. ‘Brejtësit’ me dy këmbë të kabllove elektrikë lënë pa ndriçim disa rrugë publike në qytet. Zbulimi i autorëve: ZERO!

Nga Marko QOPEKU-sarandanews.al

-Sot, nuk përbën më ndonjë çudi në Sarandë që, herë pas here, individë asocialë prishin koshat e vegjël të mbeturinave urbane në trotuare pothuaj në të gjitha akset rrugore.

Shqetësimi ishte dhe mbetet i pranishëm.

Kamerat në kryqëzimet e rrugëve të qytetit dhe ato të lokaleve, janë në efiçencë dhe gjendje pune por askush nuk mori mundimin të identifikojë autorët e prishjes!

Në fund të fundit, përveçse ‘si stoli’, përse u harxhuan miliona me të drejtë për kamerat?

Të tjerë individë ngaqë u therin sytë nga bukovilet e mbjella nga shoqata “Nisma e luleve” për ta kuruar sadopak imazhin e bretonit në hyrje të Sarandës nga kryëzimi i rrugës Sarandë-Himarë në Gjashtë e në rrugën hyrëse në qytet., nisë t’i prisnin. Por Shoqata i sfidoi me të drejtë barbarët e mjedisit dhe sot bukovilet jane derdhur hijshëm duke i krijuara nje impakt estetik të paqenë më parë për qytetin tonë.

Por, ditët e fundit barbarëve të mjedisit u janë shtuar “hijet e natës” ose “brejtësit e kabllove prej bakri ” që janë shtruar nën tokë në trotuare të rrugëve publike.

“Brejtësit” ose hajdutët ia kanë marrin në mesnatë qindra m kabllo bakri të ndriçimit publik si në rrugën e re mbi Nënstacionin e Vjetër elektrik ose Rruga e Lëkurësit ashtu edhe në aksin hyrës Ura e Gajdarit Metoq! Hajdutëve të mesnatës të kabllit elektrik nuk i ka hyrë gjemb në këmbë deri sot ndlrsa Bashkia e Sarandës po zëvendëson me kosto shtesë pasojat e autorëve të vepër penale të vjedhjes së kabllove elektrikë.

BASHKIA, pra Qyteti është i vjedhuri në prag të çeljes së sezonit turistik 2023!

Po Bashkia, ka bërë ndonjë denoncim në Polici?! Po POLICIA e shtetit ka bërë ndonjë hap në zbulimin e autorëve? Po PROKURORIA ka bërë nonjë hap në një çështje që mund të niste me indicie edhe kryesisht?! Këto duhet t’i dijë edhe Publiku i qytetit të vjedhur dhe përdhosur nga kriminelët e pasmesantës! /SARANDANEWS.AL///