Drejtori i Përgjithshëm i Doganave, Besmir Beja prezantoi së fundi Ervis Mehmetin si drejtues i ri i Dogës Doganore Sarandë.
Gjatë prezantimit, ai u ndal te rëndësia e forcimit të mëtejshëm të punës në këtë pikë doganore, duke theksuar se përvoja e mëparshme e Mehmetit në administratën doganore përbën një bazë të rëndësishme për përmbushjen e detyrave në vijim.
Në komunikimin me stafin, ai kërkoi vijimësi në standardet e punës, respektim të procedurave dhe bashkëpunim të ngushtë mes strukturave me synim garantimin e një shërbimi sa më efikas dhe funksional.
Gjatë vizitës, u zhvillua edhe një takim me stafin e degës, ku u diskutua mbi ecurinë e punës dhe organizimin e strukturave përkatëse.
Drejtori i Përgjithshëm i Doganave po vijon monitorimin në terren të punës së strukturave doganore duke kërkuar përmirësimin e shërbimit ndaj qytetarëve dhe biznesit, duke e bërë atë më efikas dhe transparent.///
ME SHUME LAJME
Parku Kombëtar i Butrintit: Program i integruar investimesh dhe ndërhyrjesh
Taskforcë për menaxhimin e mbetjeve në zonat turistike
Himarë.Djali mbyll prindërit në shtëpi, kërcënon se do i vrasë, Policia në vendngjarje, 35 vjeçari i ngul thikën vetes…