Lehtësimi i masave kufizuese për lëvizjen e udhëtarëve nga vendi ynë drejt Greqisë, është reflektuar edhe në rritjen e numrit të udhëtarëve që kanë lundruar nga Porti i Sarandës drejt Portit të Korfuzit dhe anasjelltas.
Referuar të dhënave zyrtare të Drejtorisë së Portit Sarandë gjatë muajit prill 2022 tragetet kanë kryer 118 lundrime me 8 693 udhëtarë, nga këta 4 359 në hyrje dhe 4 334 në ikje.
Kanë hyrë në Shqipëri nëpërmjet Portit të Sarandës për muajin prill 4 359 udhëtarë, nga të cilët 1150 kanë qenë më kombësi shqiptare ndërsa 3 209 udhëtarë të huaj.
Një vit më parë numri i lundrimeve ka qenë zero për shkak të mbylljes së pandemisë COVID-19.
Sa i përket udhëtimit drejt portit të Korfuzit kanë udhëtuar 4 334 persona, prej të cilëve 1 153 shqiptarë dhe 3 181 të huaj.
Sipas të dhënave nga drejtoria e zhvillimit dhe turizmit në bashkinë e Sarandës, numri i turistëve që frekuentuan Sarandën gjatë 2021-shit arriti në mbi 750 000 vizitorë.
Vitet e fundit Saranda po tërheq gjithnjë e më shumë turistët e huaj, shkak për këtë janë bërë edhe investimet e rëndësishme si shkallaret, bulevardi, ndriçimi, sinjalistika, që i kanë dhënë tjetër pamje qytetit bregdetar.///
ME SHUME LAJME
Sport. Ekipi i “Adem SHEMES”, Kampion i Qarkut të Vlorës në basketboll
Sarandë. Rigels Dervishi zgjidhet kryetar i Dhomës Vendore të Avokatisë
Sarandë. Policia shpalli në kërkim 5 shtetas që në një konflikt qëlluan me armë zjarri.