SARANDE-MEGA prezanton kandidatin për deputet, mjekun Niko Kuri.

Partia MEGA ka prezantuar në mbrëmjen e së martës kandidatin për deputet në Qarkun e Vlorës, në listën e PS, dr. Niko Kuri. Takimi i organizuar në Hotel “Epirus”, ka patur një audiencë të vecantë pasi pjesëmarrësit kane qene pothuajse të gjitha gra.

Kreu i MEGA-s njehëresh edhe kryetar i bashkisë së Finiqit, Kristo Kiço, në fjalën prezantuese për mjekun Niko Kuri, theksoi rëndësinë e madhe të zgjedhjeve të 25 Prillit në rafshin politik, ekonomik dhe shëndetësor në kushtet e diktuara nga pandemia .

“Doktor Niko ,-tha Kiço,- ka respektuar me dinjitet Betimin e Hipokratit duke u shërbyer qyetarëve pa hezituar edhe përgjate 24 orëve. Sipas tij, Kuri është deputeti i vetëm me banim në Sarandë, pranë qytetarëve dhe pacientëve, ndaj besojmë se respekti ndaj tij, do të shprehet edhe me vota.

Kreu i MEGAS , nisur edhe nga eksperienca e tij dhjetvjeçare në politike, u shpreh se “Niko Kuri është doktor dhe vështirë të bëhet politikan dhe se ai nuk do ta heqë bluzën e bardhë për të qenë si deri më sot, pranë njerëzve që e respektojnë aq shumë në Sarande, Konispol, Finiq e Delvinë.”

Sipas Kiços, komentet se me largimin e mjekut Niko Kuri nga spitali i Sarandes “do mbaroje spitali”, “janë thjesht një propagandë e kundërshtarëve politike të anës tjetër.”

Kiço u ndal më tej në problematikat sociale të bashkisë Finiq me 58 fshatra , në faktin se qindra të moshuar në këto fshatra jetojnë të vetmuar në kushtet e emigrimit te thellë, por vuri në duke se ne, po zbatojmë politika sociale dhe shprehu bindjen se deputeti i ardhshëm, mjeku Niko Kurio, do të japë kontribute të veçanta edhe për zbutjen e këtyre problematikave sociale e shëndetësore .

Kandidati Niko Kuri pasi falënderoi pjesëmarrësit me mirenjohje për vlerësimet e qytetarëve, premtoi se do të ishte i njejti njeri që kanë njohur qytetarët e rajonit të Sarandës edhe po të ishte në sallën e Kuvendit të Shqipërisë, duke qenë një zë i këtyre qytetarëve pa asnjë dallim.

Vleresime për figurën e mjekut Niko Kuri u bënë gjithashtu nga shumë diskutantë që e morën fjalën në këtë takim prezantues në qytetin e Sarandës.///SARANDANEWS.AL///