Sarandë: Sasha dhe Misha, dy nxënësit nga Ukraina që do të vazhdojnë mësimet në shkollën “9 Tetori”

Sasha dhe Misha, janë dy nxënësit nga Ukraina që kanë mbërritur në Sarandë duke u larguar me familjet nga vatrat e luftës agresive ruse në atdheun e tyre   dhe që do të vazhdojnë tani mësimet në shkollën “9 Tetori”te qytetit bregdetar.

Për t’u uruar atyre mirëseardhjen kryebashkiaku Adrian Gurma vizitoi sot klasat ku ata frekuentojnë shkollën dhe u dhuroi simbolikisht nga një çantë shkllë dhe disa libra  e fletore.

“Ne u kemi kemi sjellë çantën e shkollës dhe librat për Sashën dhe Mishën   dhe kemi caktuar edhe një shumë monetare në simbol të dashurisë dhe solidaritetit tonë sarandiot për kushtet në të cilat u gjendën në mënyrë të pamerituar këto familje  nga Ukraina”.-tha Gurma.

“Është një moment emocionues dhe një ditë e veçantë për mua, sepse takova dy fëmijë, dy nxënës nga Ukraina . Janë fëmijë që kanë ëndërruar dhe kanë ardhur të gjejnë një oaz paqeje pikërisht në Sarandën tonë të bukur .Ne sot në mënyrë simbolike u hapëm atyre dyert e qytetit dhe të shkollës për t’i riintegruar në jetën e tyre dhe për t’u dhënë mesazhi jo vetëm atyre po edhe qytetarëve të tjerë ukrainas të cilët Saranda i ka njohur deri më tash si turistë  dhe për fatin e tyre të keq ,tani si njerëz që kanë nevojë për ndihëm  tonë, per mesazhin se paqja, vlen më shumë se gjithçka tjetër.  . -u shpreh Adrian Gurma, për ATSH-në  në shkollën “9 Tetori” ku ukrainasit e vegjël Sasha e Misha do të frekuentojnë tani mësimet e lëna në mes nga lufta.///