Sarandë: Sot mbledhja e Këshillit Bashkiak

Sot, zhvillohet mbledhja e Këshillit Bashkiak të radhës e thirrur nga Kryetari i Këshillit Asaf Stroka.

Sipas burimeve të Këshillit perveç disa P/Vendimeve “ Mbi dhënien e ndihmës ekonomike’ pritete që në këtë mbledhje të miratohen kriteret e dhënies së ndihmës ekonomike nga fondi i kushtëzuar për bllok-ndihmën si dhe nga fondet e buxhetit vendor”,  për vitin 2023..

Me një theks të veçantë rëndlsie nëkëtë mbledhje është edhe miratimi i sistemit të pikëzimit për aplikimin në  programin e banesave sociale me qera (subvensionimit të qerasë në tregun e lirë) dhe listën e familjeve  që do të përfitojnë nga ky program si dhe  miratimi i nje P/Vendimi mbi sistemin e pikëzimit për aplikimin në programin e banesave me kosto të ulët (subvensionimit të interesave të kredisë me kushte lehtësuese nga shteti) dhe listën e familjeve  që do të përfitojnë nga ky program.

Me një vëmendje të veçantë pritet nga banorë të interesuar edhe P/Vendimi “Për miratimin e deklaratës për bashkëfinancimin e bashkisë në projektin “përmirësimi i banesave ekzistuese për komunitetet e varfëra dhe të pa favorizuara”, si dhe P/Vendimi “Për dhënien e miratimit për lidhjen e kontratës për përfundimin e procesit të kalimit të pronësisë së trojeve të shtetasve subjekt të vendimit të Këshillit të Ministrave nr.329 datë 22.05.2019”.

P/Vendim “Për miratimin e hartës së përgjithshme të plazheve të lejuara në territorin bregdetar  të Bashkisë Sarandë”.

Po cila ishte performanca e Këshillit Bashkiak për vitin 2022 në sytë e banorëve që u kanë dhënë votën këtyre këshilltarëve? Një Informacion për performacën e Këshillit të Bashkisë Sarandë  për vitin 2022. do të jetë gjithashtu pjesë e agjendës së sotme.///