Sarandë. Vijojnë hetimet për 37 vjeçarin korçar të dyshuar për vetvarje në dhomën e një hoteli

Vijojnë hetimet për 37 vjeçarin korçar të dyshuar për vetvarje në dhomën e një hoteli

Komisariati i Policisë Sarandë njofton nje ditë më parë se rreth orës 10:45, në Ksamil, shtetasi L. P., 37 vjeç, banues në Korçë, dyshohet se është vetëvarur, në dhomën e hotelit ku qëndronte.

Korçari 37 vjeçar Laçi Pirro, u gjet nga punonjësja e hotelit. Kishte prenotuar për të qëndruar në hotel për tre ditë. Madje sot do të largohej. Sipas burimeve policore aktin e vetëvarjes 37 vjeçari mund ta ketë kryer mbrëmjen e së shtunlës. <në çastin kur punonjësja e hotelit ka shkuar për të rregulluar dhomën e tij , e ka gjetur 37 vjeçarin pa jetë.

Burime nga vendi i ngjarjes pohuan se aktin fatal e kish kryer me anë të një litari. Përveç shenjave të litarit në trupin e tij , nuk kishte shenja të tjera. Grupi hetimor po punon për zbardhjen e rrethanave të kësaj ngjarjeje.///