Shkatërrohet grupi me grekë dhe shqiptarë, vidhnin dyqane dhe makina në Athinë

Policia e Athinës ka arritur që të godasë një grup me shqiptarë dhe grekë, të cilët kryenin vjedhje të makinave, motorëve apo edhe dyqaneve.

Në përfundim të operacionit, tetë persona, të moshës 16 deri në 29 vjeç, u arrestuan, ndërsa në kërkim u shpallën 13 anëtarë të tjerë të këtij grupi.

Sipas hetimit, banda, e përbërë nga të rinj, ishte krijuar për të paktën një vit dhe kryente sistematikisht vjedhje.

Operacioni policor u organizua në zonën e gjerë të Atikës, por kryesisht në zonat e Kallitheas dhe Nea Smyrni.

Nga hetimi i deritanishëm, janë vërtetuar 16 raste të vjedhjes së dyqaneve, 11 shtëpi, 10 makina dhe 2 vjedhje të motoçikletave.///