Vranësira dhe reshje, parashikimi i motit për ditën e sotme

Orët e para të ditës në vendin tonë mbeten me kthjellime dhe kalime vranësirash, ku këto të fundit më të dukshme do të jenë në orët vijuese.

Sipas MeteoAlb, parashikohet që vranësirat herë pas here të pësojnë zhvillime pas mesdite, duke gjeneruar reshje shiu në zonat malore dhe pjesërisht në zonën e ulët.

Temperaturat e ajrit do të vijojnë të rriten në mëngjes por mbeten të pandryshueshme në mesditë, duke u luhatur nga 15 gradë Celsius deri në 34 gradë Celsius.

Era do të fryje e lehtë dhe mesatare me shpejtësi mbi 35 km/h nga drejtimi verior-veriperëndimor, duke sjellë dallgëzim mbi 2 ballë.