Pjesëmarrja e votuesve deri në orën 18:00 në zgjedhjet e pjesshme për kryetarin e bashkisë së Himarës është 35.99 %.
Sipas shifrave të publikuara nga Komisioni Qendror i Zgjedhjeve kanë raportuar 29 nga 36 qendra votimi në total.
KQZ bëri të ditur se deri në orën 18:00 kanë votuar 7116 nga 19 770 zgjedhës në listën e qendrave të votimit të raportuara.
Qytetarët e Himarës u janë drejtuar sot kutive të votimit për zgjedhjen e kreut të ri të Bashkisë së Himarës.
Në zgjedhjet e pjesshme për kryebashkiak të Himarës janë dy kandidatë, Vangjel Tavo i Partisë Socialiste dhe kandidati i koalicionit opozitar “Bashkë Fitojmë”, Petraq Gjikuria.
Qendrat e votimit janë hapur në orën 07:00 dhe do të mbyllen në orën 19:00.
Numri i zgjedhësve që janë ftuar të votojnë sot në Bashkinë Himarë është 23.074.
ME SHUME LAJME
Sport. Ekipi i “Adem SHEMES”, Kampion i Qarkut të Vlorës në basketboll
Sarandë. Rigels Dervishi zgjidhet kryetar i Dhomës Vendore të Avokatisë
Sarandë. Policia shpalli në kërkim 5 shtetas që në një konflikt qëlluan me armë zjarri.