Zjarret në Delvinë. 5 të lënduar në Shërbimin e Urgjencës për djegie dhe asfiksim

Zjarri i përhapur sot në zonën e Delvinës duket se ka marrë prmasa të mëdha edhe prej dëmeve në të lënduar. Deri më tani 5 persona janë paraqitur në Shërbimin e Urgjencës. Mësohet se atje janë trajtuar për djegie të shkallëve të ndryshme dhe problemeve shëndetësore si pasojë e asfiksimit nga tymi.

Dy raste të tjera u dërguan drejt spitalit të Sarandës. Më herët gjatë pasidites, Ministria e Mbrojtjes, përmes strukturave të Mbrojtjes Civile, urdhëroi evakuimin e menjëhershëm të banorëve në fshatrat Palavli, Vergo dhe Kopaçëz, në Bashkinë Delvinë, për shkak të rrezikut nga zjarret.

Ministria u bëri thirrje të gjithë banorëve të respektojnë udhëzimet e emergjencave civile dhe të bashkëpunojnë me forcat e Policisë dhe autoritetet vendore, të cilat janë angazhuar për mbrojtjen e jetës dhe pronës së tyre.///