Kryeministri Edi Rama mori pjesë te premten në Bari, Itali, në çeljen e një ekspozite të organizuar në përkujtim të eksodit të shqiptarëve në vitin 1991.
Në ekspozitë, kryeministri Rama shoqërohej edhe nga ministri i Jashtëm i Italisë, Luigi di Maio.
Kreu i qeverisë e cilësoi hapjen e kësaj ekspozite një moment përkujtimi tre dekada pas nisjes së emigracionit shqiptar drejt Puljas dhe reflektimi mbi rolin e peshën e emigracionit në jetën e shqiptarëve.
“Bari – Në përurimin e ekspozitës së eksodit 1991, një moment përkujtimi tre dekada pas nisjes së emigracionit shqiptar drejt Puljas dhe reflektimi mbi rolin e peshën e emigracionit në jetën e shqiptarëve dhe në marrëdhëniet vëllazërore me Italinë”, – shprehet Rama.
Kryeministri Edi Rama nisi sot një vizitë në Itali ku u prit në aeroport nga ministri i Jashtëm, Luigi Di Maio dhe presidenti i rajonit të Pulias, Michele Emiliano.
Në fillim të marsit 1991 mijëra shqiptarë u larguan nga vendi, duke shfrytëzuar anijet e ankoruara në kalatat e portit më të madh të Shqipërisë.
Vetëm në javën e parë të atij viti, në portin e Brindizit (Itali) janë ankoruar 24 mjete lundruese të madhësive të ndryshme, me një numër të jashtëzakonshëm njerëzish nga Shqipëria. /ata///
ME SHUME LAJME
Sarandë. “Princess” cruises e kompanisë më të madhe Holland-Amerikan, paraprin 14 krociera të tjera gjatë vitit
Sarandë. Mbërrin krocera e parë me turistë për vitin 2026-n.
Sociale. Shqipëria po zbrazet. Bie me 35% numri i lindjeve brenda një dekade