Shqipëria është një vend i pasur me bukuri natyrore, histori dhe tradita që po tërheqin çdo vit e më shumë turistë. Nga malet e thepisura në veri deri te brigjet e kristalta të jugut, çdo qytet ka një histori për të treguar dhe një përvojë unike për t’i ofruar vizitorëve.
Laura, një turiste dhe blogere e njohur e udhëtimeve, ka ndarë në rrjetet e saj sociale, pamje nga udhëtimi i saj në Shqipëri, ku ka treguar bukuri të natyrës dhe historisë së vendit.
Ajo ka ndarë foto nga udhëtimi i saj nëpër disa nga destinacionet më të njohura turistike në vend, si Thethi, Kruja, Tirana, Berati, Gjirokastra si dhe bregdeti i jugut, duke zbuluar për një audiencë më të gjerë, një Shqipëri të pasur me traditë dhe natyrë mahnitëse.
“Shqipëria nën lentën e Laura Burehl, turistes dhe blogeres së udhëtimeve me një audiencë të gjerë, që ka zgjedhur të ndajë me ndjekësit përvojën e vërtetë shqiptare ashtu siç është: autentike, plot shije dhe unike në llojin e saj”, shkruan ministri i Turizmit, Kulturës dhe Sportit, Blendi Gonxhja i cili ndau fotot në rrjetet sociale.
Vitet e fundit, Shqipëria është kthyer në një destinacion turistik shumë tërheqës për vizitorët nga e gjithë bota, të cilët zbulojnë bukuritë natyrore, plazhet e mrekullueshme dhe trashëgiminë e pasur kulturore.(Marseda QEFALIA)///
ME SHUME LAJME
Info PLUS. Mjetet inteligjente monitorojnë rrugët, asnjë shkelje nuk i shpëton kontrollit
Ndahet nga jeta artisti Shaban Zeneli “Bilbi i Çamërisë”
“Jerusalem Post”: Shqipëria, një nga destinacionet më tërheqëse të Evropës