GREQI – Kikilias: Të respektohen kufizimet gjatë festës së Vitit të Ri

– Të dhënat ndërkombëtare tregojnë se rastet e COVID-19 priren të rriten pas pushimeve, tha sot ministri grek i Shëndetësisë, Vassilis Kikilias, duke shtuar se mënyra e sjelljes në Vitin e Ri do të shfaqet dy javë më vonë.

“Të mendojmë me zemër për të dashurit tanë dhe për punonjësit e shëndetësisë dhe të ndjekim masat dhe kufizimet shëndetësore”, shtoi ai.

“Do të na duhet të jetojmë në kushte të vështira në dy-tre muajt e ardhshëm”, theksoi ministri duke cituar homologun e tij gjerman, Jens Spahn, sipas të cilit kthimi në normalitet është ende larg.///