Mikrobiologu Bilal Golemi, një prej korifejve të shkencës shqiptare me dimensione ndërkombëtare

-Presidenti i Republikës, Ilir Meta ka përkujtuar sot në ditën e lindjes  mikrobiologun e shquar, Bilal Golemi.

“Në ditën e tij të lindjes, nderojmë sot kujtimin e një prej korifejve të shkencës shqiptare me dimensione ndërkombëtare, mikrobiologun e shquar, Bilal Golemi”, u shpreh Meta në një reagim.

“Një nga etërit themelues të mjekësisë sonë veterinare, ai ishte i  pari që hapi laboratorin bakterologjik dhe hartoi ligjin mbi shërbimin veterinar, që falë ideve progresive dhe një veprimtarie të jashtëzakonshme shkencore, do të përzgjidhej në vitet ’50 nga Organizata Ndërkombëtare e Shëndetësisë, si një prej ekspertëve më të vyer të saj”, tha Meta.

“Edhe pse i ndarë nga jeta në moshë të re, kontributi dhe vepra e Bilal Golemit, kanë zënë vendin e merituar në panteonin e vlerave të shkencës shqiptare, duke mbetur një model frymëzues për gjeneratat e reja”, theksoi Meta.

“Në këto kohë plot sfida për mjekësinë, i nxis të rinjtë shqiptarë të fokusohen te shkencat e aplikuara si veterinaria dhe mikrobiologjia, që garantojnë vende të sigurta pune dhe karrierë të suksesshme”, përfundoi Meta.///