SARANDE/ Pas lajmit të trishtë për ndarjen nga jeta të Hariz Mëmës, kryetarit te PD-s, shprehen miq e politikanë

SARANDE/ Pas lajmit të trishtë për ndarjen e papritir nga jeta të Hariz Mëmës, kryetarit te Deges se Partise Demokratike te Sarandë, shprehen miq e politikanë. SARANDANEWS.AL zgjodhi disa prej qindra ngushellimeve te cilat vazhdojne …..

Ajet Duka/ DELVINE, Artist Popullor , Grupi i mirenjohur polifonik “Kaonet”:

“Me lote ne sy ,e me duar te dridhura,po te shkruaj,lamtumire vellai im Hariz.Te qofte dheu i lehet,kudo kemi perpara dashurin dhe buzeqeshjen tende.Me pikellove pa mas vellai im.”

Lulzim Basha, Kryetar i Partise Demokratike:

–Lajm i pabesueshëm ndarja nga jeta e mikut dhe bashkëpunëtorit tim të ngushtë Hariz Mëma. Jam i tronditur dhe pikëlluar pa fund kur mora lajmin se rruga e tij u ndërpre sot papritur, dhe turravrapi i tij i zakonshëm u ndal përgjithmonë, pikërisht teksa ishte në kulmin e energjisë dhe dinamikës së tij të pandalshme.Harizi fitoi betejën me Covidin por sot mori një goditje në zemër. Mendimet dhe lutjet e mija janë me bashkëshorten Teuta, vajzën Brikenën dhe dy djemtë Sinanin dhe Johanin, të cilëve ju gjendem pranë me gurin e rëndë të dhimbjes në zemër, me ngushëllimet e mija më të ndjera. Kjo është një humbje e madhe për komunitetin e Sarandës ku ai ka dhënë kaq shumë si sipërmarrës, si kryetar i shoqatës Labëria, dhe një qytetar zemërmadh dhe i përkushtuar për komunitetin dhe bashkëqytetarët e tij. Kjo është edhe një humbje shumë e rëndë për ne, për demokratët, ku ai prej dy mandatesh drejtoi me sukses degën e Sarandës, dhe për mua personalisht që kam humbur një mik të rrallë dhe bashkëluftëtarin e papepur të kaq shumë betejave. Do ta kujtojmë si përherë, fjalëpak e punëshumë, të vendosur, të dashur, të fortë dhe të qeshur.U prehsh në paqe mik i shtrenjtë!

Alket Hyseni. Deputet :

” Lajm i trishtueshëm për humbjen e jetes së z. Hariz Mema. Një qytetar i mirë i Sarandës, një familjar i shkëlqyer dhe një veprimtar politik që me politesë dhe shpirt demokratik dha një kontribut të çmuar për qytetin dhe zonën tonë. Marr pjesë në dhimbjen e familjes , të shokëve, miqve, patriotëve dhe antarëve të Partisë Demokratike të Sarandës!“/