KSAMIL, Kandidatja e PD Ina Zhupa takon kompozitorin Limos Dizdari

KSAMIL/ Gjate një turi intensiv elektoral në rajonin e Sarandës, kandidatja e Partise Demokratike për deputete Ina Zhupa, e shoqëruar edhe nga zv.kryetari i Degës së PD-s, Vesel Koçiu, ka takuar në Ksamil kompozitorin e mirënjohur Limos Dizdari, ish deputet socialist vite më parë.

Zhupa është njohur me aktivitetin artistik të dhjetë viteve të fundit të kompozitorit dhe vështirësitë në krijimin dhe konsolidimin e Qandrës së artit “DEA” në qytezën qe prej ivtesh ëshhtë shndërruar në një destinacion turistik.

“Limos Dizdari është një nga socialistët e shumtë që janë zhgënjyer nga qeverisja e keqe e Edi Ramës. Ai jeton në Ksamil prej disa vitesh, ku ka ndërtuar një oaz dije dhe kulture, që nuk e gjen dot as në Tiranë. Me kurajon që e karakterizon, Limos Dizdari nuk di të shtiret. Ai na hapi dyert e shtëpisë dhe të zemrës për të më dhënë mbështetjen e tij të çmuar në garën elektorale të 25 Prillit.- shprehet pas kësaj vizitë pune në qendrën “DEA”, kandidatja për deputete dhe pedagogia, Ina Zhupa.

“Çdo njeri i ndershëm sot, çdo njeri që dëshiron që vendi të ketë zhvillim, që rinia të gëzojë jetën në tokën e vet duhet të mbështesë Partinë Demokratike dhe Lulzim Bashën”- ishte mesazhi i Limos Dizdarit për këdo që kërkon ndryshimin. Shumë socialistë, si Limos Dizdari, do të votojnë në 25 Prill për t’i dhënë vendit shansin e fundit që edhe ne të bëhemi si gjithë Europa, ku familjet tona të trajtohen me dinjitet nga qeveria dhe njerëzit të jenë të gjithë të barabartë para ligjit.-vuri në dukje pas këtij takimi Zhupa.///SARANDANEWS.AL///