SARANDE-Kapet autori që kërcënoi me thikë 34 vjeçaren te bakomati i bankës

Sherbimet e policise ne Sarande kanë kapur autorin që kërcënoi me thikë 34 vjeçaren te bakomati i bankës dy dite me parë.

Policia tha se u arrestua autori i dyshuar. Shërbimet e Komisariatit të Policisë Sarandë, pas marrjes së njoftimit se në lagjen nr.1, Sarandë, pranë bankomatit të një banke, një shtetas nën kërcënimin e një mjeti të mprehtë (thikë), kishte tentuar t’i vidhte një shumë parash shtetases A. N., 34 vjeçe, kanë organizuar punën për identifikimin dhe kapjen e autorit.

Si rezultat i veprimeve të shpejta hetimore dhe profesionale, Policia bëri të mundur identifikimin, kapjen dhe arrestimin e autorit të dyshuar, shtetasit J. (L). K., 44 vjeç, banues në Livadhja.

Tashme, materialet i kane kaluar Prokurorisë pranë Gjykatës së Shkallës së Parë Sarandë, për veprën penale “Vjedhje me dhunë”, mbetur në tentativë./SARANDANEWS.AL///