Gazetarët, protestë për vendimin e Kuvendit.Raportimi nga komisionet parlamentare

Para nisjes së seancës plenare te te se merkrues , gazetarët që mbulojnë zhvillimet në Kuvend kanë protestuar nën moton “Eja KUVENDojmë” në lidhje me një vendim për rregulloren e re të këtij institucioni.

Katër ditë më parë Kuvendi publikoi vendimin e Byrosë së Kuvendit, për raportimin e gazetarëve gjatë mbledhjeve të komisioneve parlamentare.

Gazetarët i bënë thirrje Kuvendit, që të tërhiqet nga ky vendim, ndërsa theksuan se me këtë vendim cenohet puna e tyre.Vendimi synon që t’i vendosë gazetarët në një newsroom, nga ku do të duhet të ndjekin zhvillimet e Kuvendit dhe komisionet përmes ekraneve dixhitale.

Në njoftimin e tyre gazetarët theksojnë se, “vendimi i Byrosë së Kuvendit për të përjashtuar gazetarët e akredituar nga aksesi i komisioneve parlamentare është cenim i pastër i punës sonë dhe lirisë së medias”.///.