Gjykata e Posaçme kundër Korrupsionit dhe Krimit të Organizuar ka dënuar sot me 1 vit burg ish-kryetaren e bashkisë së Gjirokastrës, Zamira Rami.
Ish-kryebashkiakja e LSI-së u shpall fajtore dhe u dënua për shpërdorim detyre me 1 vit burgim, duke e pezulluar ekzekutimin e burgimit dhe detyrimin për të kryer punë në interes publik.
Vendimi u shpall sot nga Gjykata e Posaçme kundër Korrupsionit dhe Krimit të Organizuar e cila në bazë të Kodit Penal urdhëroi pezullimin e dënimit me burg dhe zëvendësimin e tij me detyrimin që Zamira Rami të përmbushë me punë në interes publik 120 orë duke u kryer kjo punë brenda afat 6-mujor.
SPAK e akuzoi ish-kryetaren e Bashkisë Gjirokastër se në kundërshtim me ligjin, ka miratuar shembjen e dy pronave private për realizimin e dy projekteve infrastrukturore.
Sipas SPAK, shkeljet janë kryer gjatë zbatimit të projektit për “Rikonstruksionin e rrugës Kryqëzim me rrugën nacionale (Postbllok) – Sheshi i Çerçizit”, si dhe për “Rikualifikimin e hapësirave publike dhe rrugës hyrëse pranë Memorialit të Rilindësve në Gjirokastër”./ATSH///
ME SHUME LAJME
VËZHGIM. Apel i fortë i aktorit të mirënjohur, Viktor Zhusti për godinën e teatrit të estradës në Sarandë.
Art. Opinion. Arti i Vërtetë s’ka lidhje me abuzimin
Zgjidhet mitropoliti i ri i Gjirokastrës dhe Korçës