SARANDE-KORFUZ-SARANDE-Rikthehet në normalitet linja e pasagjerëve

E munguar prej gati dy vitesh per shkak të pandemisë globale, linja ndërkombëtare detare e pasagjerëve Sarandë-Korfuz –Sarandë, “FINIKAS LINES” hyri sot në ditën e dytë të normalitetit, duke transportuar shtetas dhe automjete në të dyja brigjet shqiptare dhe ato helene te Korfuzit..

Administratori i Kompanisë “FINIKAS” Andrea Qirjako tha sot për SARANDANEWS.AL se “Linja drejt Korfuzit niset çdo ditë në orën 10.30 dhe 16.00 dhe nga porti i Korfuzit drejt Sarandës në orët lokale 13.00 dhe 19.00

Burime te kompaanisë “FINIKAS” vunë në dukje se nga 51 pasagjerët e mbërritur sot nga Korfuzi në Sarandë pjesa më e madhe ishin turistë të huaj që frekentojnë Sarandën dhe rajonet jugorë të vendit, ndërkohë që sot trageti i lnjës :FINIKAS LINES solli në Portin Detar të Sarandës e dhe një numër automjetesh.

Rikthimi në normalitete i linjës ndërkombetare detare “FINIKAS LINES”, mirepritej prej disa muajsh nga publiku i gjerë dhe vecanërisht  operatorët turistikë dhe bizneset turistike vendase në Sarandë, Ksamil, bregdetin jonian  dhe përgjithësisht në jugun e vendit.///SARANDANEWS.AL///