-Nga data 15 korrik deri më 15 gusht do të zhvillohet Porto Palermo Festival.Ministrja e Kulturës, Elva Margariti thekson se ky festival do të pushtojë Jugun e Shqipërisë.Margariti shton se do të jetë një festë e madhe në 30-vjetorin e marrëdhënieve Shqipëri-Itali, që me iniciativën e violinistit Olen Çesari, do të mbledhë në kështjellën e Ali Pashës në Himarë, muzikantë nga dy vendet tona.
“Le të jetë ky muaj një fillim i ri pas periudhës së vështirë që kaluam gjatë pandemisë COVID-19”, thekson Margariti.
Më 12 korrik u mbajt një konferencë për shtyp me rastin e hapjes së Porto Palermo Festival, organizuar nga muzikanti i madh italo-shqiptar Olen Çesari me mbështetjen e Ambasadës dhe Festivali do të shohë pjesëmarrjen e muzikantëve të rëndësishëm italianë dhe shqiptarë.
“Marrëdhënia e veçantë që lidh Shqipërinë dhe Italinë ushqehet nga shumë aspekte, duke filluar nga sporti, në ekonomi, në kulturë, në muzikë. Me këtë event ne festojmë tridhjetë vjetorin e miqësisë mes dy vendeve. Është edhe shenjë e rimëkëmbjes pas një periudhe të errët të shënuar nga pandemia. Falënderojmë Olen Çesarin, që përmes muzikës ka bërë të mundur ndërthurjen e dy popujve dhe dy kulturave”, theksoi ambasada e Italisë në Shqipëri.///
ME SHUME LAJME
Rregulla të reja për muzetë dhe monumentet e kulturës, grante edhe për monumentet në pronësi private
Nga 2027 synohet ngritja e një sistemi të ri inspektimesh, Rama: Të marrin fund kontrollet e befasishme
Berisha: Nesër të gjithë me studentët, në mbështetje të revoltës së tyre