Komisioni i Pavarur i Kualifikimit vendosi sot shkarkimin nga detyra të subjektit të rivlerësimit, Sali Hasa, prokuror në Prokurorinë e Rrethit Gjyqësor Sarandë.
KPK vendosi pas shqyrtimit të dokumentacionit dhe zhvillimit të seancës dëgjimore në datën 1 shtator për subjektin e rivlerësimit, Sali Hasa.
Vendimi, i arsyetuar me shkrim nga trupi gjykues i kryesuar nga Firdes Shuli, Roland Ilia relator dhe Etleda Çiftja anëtare, do t’i njoftohet subjektit të rivlerësimit, Komisionerit Publik dhe vëzhguesve ndërkombëtarë brenda 30 ditëve.
Ky vendim mund të ankimohet në Kolegjin e Posaçëm të Apelimit nga subjekti i rivlerësimit dhe/ose Komisioneri Publik, 15 ditë nga data e njoftimit të vendimit të Komisionit. Ankimi depozitohet në Komisionin e Pavarur të Kualifikimit./atsh///
ME SHUME LAJME
9 Maji, Dita e Evropës
Zbardhet dinamika e vrasjes në Sarandë, shpallet në kërkim autori dhe pesë të tjerë
Kulturë. Përkthyesi Vangjel Zafirati boton në Greqi antologjinë me poezi bashkohore shqipe “VARGJET QË VRANË POETIN”