Tekste shkollore shqip, MEPJ: U pajisën mbi 12 mijë fëmijë në diasporë

Mbi 12 mijë fëmijë shqiptarë në diasporë kanë tashmë në duart e tyre librat me të cilat do të mësojnë këtë vit shkollor.

Ministria për Evropën dhe Punët e Jashtme bën të ditur se ky është i treti vit radhazi, që shteti shqiptar përmbush një premtim dhe detyrim përballë fëmijëve të diasporës, duke i pajisur ata me tekste shkollore për mësimin e gjuhës shqipe, historisë dhe kulturës shqiptare.

Sipas MEPJ-së, në sajë të përkushtimit të vazhdueshëm të mësuesve të klasave shqip në diasporë, është bërë e mundur hapja e disa klasave të reja të mësimit shqip në: Gjermani, Zvicër, Itali, Greqi, SHBA, etj.///