JUG-Kalaja e rilindur e Tepelenës dhe zonat përreth, destinacion turistik e kulturor

 Kalaja e Ali Pashë Tepelenës është kthyer në një ndër pikat turistike më interesante për vizitorët dhe turistët e huaj, pas investimit në rehabilitimin e rrugëve të brendshme të kalasë por edhe hapësirave rreth saj. Ministrja e Turizmit dhe Mjedisit, Mirela Kumbaro publikoi pamje nga transformimi i Kalasë  dhe i rrethinave ku thekson se, “është bërë shumë, por më shumë do të bëjmë”.

“Tepelena, Tepelena, thotë kënga… po tashmë Tepelena nuk është vetëm këngë, por edhe destinacion turistik e kulturor pasi po shndërrojmë atë që pakkush e besonte”, shprehet Kumbaro.

Kalaja e Tepelenës doli nga rrethimi absurd i ngrehinave pa leje, ferrave e plehrave përreth murit, si edhe u çlirua nga brenda prej gardheve e mureve, sustave për t’u kthyer në një destinacion turistik, ku godinat që nuk u prishën do të integrohen në një projekt banesash karakteristike, të cilat do t’u sjellin banorëve të kalasë të ardhura, si bujtina apo dyqane të vogla artizanati e produktesh të zonës.

Kalaja e ndërtuar nga Ali Pashai për të rrethuar sarajet e tij është monumenti më i rëndësishëm në Tepelenë. Me sipërfaqe 4.5 hektarë, ajo u ndërtua në vitin 1819 dhe sot është një ndër objektet më të rëndësishme historike me mjaft interes për t’u vizituar nga turistët vendas dhe të huaj.

Nje atraktivitet i veçantë i kësaj Keshtjelle, lidhet edhe me faktin se Ali Pashe Tepelena, në kulmin e fuqise se tij, priti ne rezidencen e tij, brenda rrethimit te dyte te Kalase, poetin anglel Lord Xhorxh Bajron .

Kjo ngjarje eshte perjetesuar edhe ne faqen ballore te Kalase se Ali Pashes nga nje Pllake e vendosur ne vitet ’80 me citimet nga vepra e Bajronit “Cajld Harold”.

Nderkohe, sheshi prane Kalase dhe Pllakes, mbaj emrin “Sheshi Lord Bajron” ndersa shetitorja kryesore e qytetit, mban emrin: Shetitorja “Ali Pashe Tepel;ena”, emertime keto, te vendosura ne vitet 1980-1985 te shekullit te kaluar nga administrata e pushtetit lokal. Nehyrje te Tepel;enes mund te vizitohete dhe monumenti i Ali Pashe Tepelenes, veper e Skulptorit te Popullit Muntaz Dhrami. //