Ish-presidenti Alfred Moisiu feston sot ditëlindjen e 92-të.
Kryetari i bashkisë së Tiranës, Erion Veliaj i ka uruar ditëlindjen ish-presidentit që u votua me konsensus nga i gjithë faktori politik në 2002-n. “Gëzuar 92-vjetorin presidenti fjalëmirë”, shprehet Veliaj.
Që nga shkollimi si ushtarak, Alfred Moisiu pati një karrierë të gjatë e të lavdërueshme në ushtrinë shqiptare, duke e mbyllur shërbimin me gradën e lartë të gjeneralit. Në vitet e mëpasshme, ai nuk ngurroi asnjëherë të kontribuonte në momentet delikate dhe të komplikuara ku u gjend vendi ynë, duke kryesuar dikastere apo duke marrë pjesë në konferenca ndërkombëtare në kuadër të modernizimit të forcave shqiptare.
President i Shqipërisë nga viti 2002 deri në vitin 2007, Moisiu forcoi besimin tek ky institucion. Me gradën doktor i shkencave, ai është autor i shumë librave, monografive, artikujve shkencorë mbi artin ushtarak, politikën, sigurinë rajonale.///
ME SHUME LAJME
Borsh. Vijojnë punimet restauruese në Kalanë e Borshit, Gonxhja: Rritje e potencialit si destinacion kulturor
Vëzhgim. “Paketa e Maleve”
Opinion.Përpjekje për të fshehur kufomën nga sytë e publikut