Berisha: 44 mijë anëtarë të PD-së vendosën largimin e Bashës

 Ish-kryeministri Sali Berisha pas përfundimit të numërimit të votimit të referendumit për shkarkimin e kryetarit të PD-së Lulzim Basha, deklaroi se 44 mijë anëtarë të PD-së vendosën sot shkarkimin përfundimtar të Luzim Bashës.

Në një konferencë për mediat në selinë e PD-së Berisha u shpreh se, do të përulem me nderimin më të madh para dhjetëra mijëra demokratëve pasi 44 mijë demokratë dhe demokrate që sot vendosën me votën e tyre në mënyrën më plebishitare largimin e Bashës nga drejtimi përfundimtarë i forcës politike.

“Ky është ndëshkimi më i mëritur që një person i padenjë për detyre, një person detyrën më të lartë të kreut të opozitës e shfrytëzon për pazare  personale dhe trajton PD si një pronë të tij. Ky është votimi më i shkëlqyer që shkruan një kapitutull të ri në historinë e revolucionit demokratik. Ky revolucion nuk ka të  ndalur, nuk ka forcë në botë që mund ta ndal këtë revolucion. Jeni dëshmitarë të përpjekjeve të turpshme të narko-shtetit kundër këtij akti madhor në historinë e pluralizmit. Mjafton t’u rikujtoj paraqitjen me orë të  tëra televizive të pengmarrësit në ndihmë të pengut të tij. Por asgjë nuk mund të ndal njerëzit  lirë në realizimin e qëllimeve të tyre. Nuk ka forcë që pengon dot njerëzit  e lirë në arritjen e objektivave të tyre për liri dhe dinjitet, për të ardhëm e forcë së tyre politike dhe shoqërinë shqiptare në tërësi”, tha ai.

Deputetja e PD-së Albana Vokshi, deklaroi se mbi 44 mijë demokratë kanë votuar pro shkarkimit të Lulzim Bashës nga kreu i PD.

Ndërsa lexoi të gjitha rezultatet e votimeve në të gjitha qytetet e Shqipërisë, Vokshi tha se në total 43 385 demokratë kanë votuar pro shkarkimit të Lulzim Bashës nga posti i kryetarit të PD. ///