Sarandë: Kreu i PD Vesel Koçiu refuzon Kuvendin Kombëtar të Berishës: Është përjashtues dhe përçarë

Një ditë para se të mbahet Kuvendi Kombëtar i Partisë Demokratike, e do të përzgjidhen anëtarët e ri të Këshillit Kombëtar, kanë ardhur edhe kundërshtimet e para. Ndriçim Mehmetit, drejtues i departamentit të arsimit në PD si edhe Vesel Koçiut, ish-kryetar i Sarandës, duket se nuk i është bërë një ftesë zyrtare, por me një listë që është shpërndarë në media. Megjithatë, përtej kësaj, ato kanë refuzuar, p që të jenë anëtarë të Këshillit Kombëtar.

Koçiu thotë se ky Kuvend është i përshpejtuar dhe përjashtues.

“Të nderuar anëtarë të Degës PD Sarandë!Pasi pashë emrin tim në listen e shpallur nga Komisioni i Rithemelimit për garën për anëtarë të Këshillit Kombëtar të PDSH-së deklaroj:

1) Kuvendi i përshpejtuar i 30 Prillit, është produkt i një proçesi përjashtues, fiktiv dhe përçarës ndermjet demokratëve.

2) Qëndrimi im dhe i DPD Sarandë në lidhje me kêtë proçes është publik dhe i pandryshuar.

3) Nuk kam qënë pjesë e këtij proçesi,nuk garojë dhe nuk bëhem pjesë e një kuvendi që synon ndarjen dhe jo bashkimin e Partisë Demokratike!4)Bashkimi dhe jo ndarja, duhet të jetë qëllimi ynë i përbashkët”, shkruan Koçiu.///