Nga 1 maji vërtetimet si Punëkërkues dhe Lejet e Punës, online në e-Albania

-Nga e hëna asnjë orar, asnjë radhë, asnjë hap drejt një zyre shteti, po një klik tek e-Albania dhe shteti vjen tek ti me dokumentin e kërkuar.

Kryeministri Edi Rama bëri të ditur sot, se nga 1 maji vërtetimet si Punëkërkues dhe Lejet e Punës, online në e-Albania do të ofrohen me vulë ose nënshkrim elektronik online.

“Asnjë minutë e humbur më shumë për të marrë vërtetime në shtet”, shprehet Rama teksa thekson se, “një klik në e-Albania dhe vërtetimi vjen tek kërkuesi”.

Qeveria ka ndërmarrë revolucionin digjital dhe përmes platformës e-Albania nga 14 shërbime që ofronte dikur online, sot mundëson 1225 shërbime publike ose 95 % e tyre.
Në total janë 2,5 milionë qytetarë dhe biznese të regjistruara, që marrin shërbime të përditshme, ku mesatarisht brenda një dite pune u shërbehet rreth 2,000 qytetarëve dhe ofrohen rreth 50,000 shërbime.
Suksesin e këtij transformimi e kanë konfirmuar institucione dhe raporte ndërkombëtare si BERZH, Sigma, DASH, OKB dhe BE që rendisin Shqipërinë të parën në rajon për digjitalizimin dhe qeverisjen digjitale.///