Ina Zhupa: Shqipëria 20 vende më poshtë për lirinë e shtypit

Deputetja e Partisë Demokratike, per Saranden dhe rajonin e saj, Ina Zhupa ka reaguar se fundi për lirinë e shtypit në Shqipëri. Zhupa thekson se, Shqipëria ka përkeqësim madhor, plot 20 vende më poshtë nga viti i kaluar, në Lirinë e Shtypit në raportin e Organizatës “Reporterët pa Kufij”.

“Në treguesin që përfshinë 180 vende, Shqipëria radhitet në vendin 103-të, duke shënuar një rënie prej 20 vendesh krahasuan me vitin e kaluar kur renditej në vendin e 83-të. Në raport thuhet se ndërsa pavarësia editoriale kërcënohet nga rregullimi partiak i medias, integriteti fizik i gazetarëve cenohet nga krimi i organizuar, nga dështimi i shtetit për t’i mbrojtur ata dhe madje, edhe nga dhuna policore. Qeveria kërcënon pavarësinë e redaksive nëpërmjet institucioneve shumë të politizuara të rregullimit të medias dhe menaxhimit të medias publike”, shprehet ajo.

Zhupa shprehet se “gazetarët kritikë ndaj qeverisë përballen me sulme të rregullta politike që synojnë t’i diskreditojnë ata dhe kanë vështirësi t’i qasen informacionit publik. Mosndëshkimi i krimeve të kryera kundër gazetarëve, i kombinuar me përpjekjet politike për t’i diskredituar ata, krijon një klimë dhune që mund të nxisë sulme të reja. Në vitin 2021, gazetarët që mbulonin protestat dhe operacionet e zbatimit të ligjit pësuan disa akte të dhunës policore”.///