Pianisti 9-vjeçar grek Stelios Kerasidis, video promovuese monumenteve kulturore të Shqipërisë

 Pianisti i talentuar 9-vjeçar grek Stelios Kerasidis me anë të një videoje përcjell mesazhin kundër luftës, si dhe promovimin e monumenteve kulturore në Shqipëri.Ministrja e Kulturës Elva Margariti ndau në rrjetet sociale videon promovuese të pianistit Kerasidis.

“Një mesazh kundër luftës dhe promovim i shkëlqyer i Shqipërisë sonë të bukur nga pianistit 9-vjeçar grek Stelios Kerasidis, që po fiton zemrat e publikut në gjithë botën si “Moxarti i ri””, shprehet Margariti.

Në videon e pianistit të talentuar grek shfaqen kalaja e Gjirokastrës, qyteti antik i Butrintit, Apolonia, etj.

Me një piano të vendosur në amfiteatrin antik të Butrintit, Kerasidis interpreton një pjesë muzikore.

Pianisti 9-vjear Kerasidis është nderuar me çmimin e parë në “Grand prize virtuoso” të Vienna Musikverein, çmimin e parë në “Golden Classical Music Awards New York” dhe ka fituar një nga konkurset më të rëndësishme të pianos në Greqi. Stelios mori famë botërore me kompozimin e tij “Valsi i izolimit”, frymëzuar nga pandemia.Pianisti 9-vjeçar Stelios Kerasidis dha një koncert në Tiranë dy ditë më parë, në kuadër të Javës së Kulturës së Greqisë.///