“Ballkani i Hapur”, 4 marrëveshje në arsim, turizëm, kulturë dhe tatime

Në Samitin e Ohrit për “Ballkanin e Hapur” u nënshkruan disa marrëveshje mes vendeve pjesëmarrëse.

Kryeministri Edi Rama, presidenti i Serbisë Aleksandër Vuçiç dhe kryeministri maqedonas, Dimitar Kovaçevski nënshkruan marrëveshjen mbi bashkëpunimin në Ballkanin Perëndimor për njohjen e ndërsjelltë të diplomave të lëshuara nga institucionet e arsimit të lartë. Ministrja e Kulturës, Elva Margariti nënshkroi së bashku me homologët e Serbisë dhe Maqedonisë së Veriut memorandimin e mirëkuptimit për bashkëpunimin kulturor në Ballkanin Perëndimor.

Ministrja e Turizmit dhe Mjedisit, Mirela Kumbaro nënshkroi memorandumin e bashkëpunimit në turizëm me homologët e Serbisë dhe Maqedonisë së Veriut. Gjithashtu tre vendet nënshkruan një memorandum për mirëkuptim dhe bashkëpunim mes autoriteteve të tatimeve. Kreu i Drejtorisë së Tatimeve, Ceno Klosi nënshkroi marrëveshjen së bashku me homologët e Serbisë dhe Maqedonisë së Veriut.///