Vizitë e përbashkët e Ramën me Abazoviç dhe Kovaçevskin në Kiev

 – Kryeministri malazez Dritan Abazoviç pranoi ftesën e presidentit ukrainas Volodymyr Zelensky për të vizituar Kievin, njoftoi zyra e kryeministrit, sipas vijesti.me.

Siç edhe e pati paralajmëruar, Abazoviç ka hedhur idenë e një vizite të përbashkët në Kiev të kryeministrave të Ballkanit Perëndimor, veçanërisht nga vendet e NATO-s në rajon, në mënyrë që të dërgojë një mesazh më të fortë dhe unik të mbështetjes nga Ballkani Perëndimor ndaj sovranitetit dhe integritetit të Ukrainës.

Sipas vijesti.me, kryeministrat e Shqipërisë dhe Maqedonisë së Veriut, Edi Rama dhe Dimitar Kovaçevski kanë pranuar idenë e Abazoviçit dhe mbetet të bihet dakord për një datë. Gjatë bisedës telefonike me Zelenskin, kryeministri malazez theksoi se vendi i tij ka ofruar mbështetje të hapur për pavarësinë, integritetin territorial dhe sovranitetin e Ukrainës.Ai theksoi se ”Mali i Zi mbështet plotësisht qëndrimin e Bashkimit Evropian ndaj pushtimit rus të Ukrainës”. Abazoviç nënvizoi gjithashtu se ”shpreson që Ukraina të marrë statusin kandidate për anëtarësim në BE” dhe se ”Mali i Zi, si lider në procesin e negociatave, është i gatshëm të ofrojë ndihmën e nevojshme”.///