BE, 5 varka patrullimi dhe 2 automjete vëzhgimi për Policinë Kufitare

/ Policia Kufitare dhe Migracionit në Shqipëri nga sot do të ketë një flotë të re varkash dhe mjetesh.

Në një ceremoni të veçantë, Bashkimi Evropian i dorëzoi autoriteteve shqiptare 5 varka patrullimi dhe 2 automjete vëzhgimi, në prani të të ngarkuarit me punë të delegacionit të BE-së në Shqipëri, Alexis Hupin dhe ministrit të Brendshëm, Bledi Çuçi.

“Siguria e Shqipërisë ndikon drejtpërsëdrejti në sigurinë e Evropës”, theksoi delegacioni i BE në Tiranë në një postim në rrjetet sociale.

“Në 6 vitet e fundit, BE mbështeti modernizimin e zbatimit të ligjit dhe doganave shqiptare me 30 milionë euro. Sot, ne qëndrojmë në krah të Shqipërisë duke rritur kapacitetet e saj të kontrollit kufitar dhe operacionet e kërkim-shpëtimit”, nënvizoi delegacioni i BE-së. ///