Muzeu Historik Kombëtar përkujtoi sot masakrën e Borovës, 79 vite më pas. Më 6 korrik 1943, nazistët gjermanë, kryen mizori, në fshatin Borovë të Kolonjës, si kundërpërgjigje ndaj rezistencës që populli dhe forcat partizane i bënë Divizionit I Alpin te Wehrmacht-it gjerman, që hyri në tokën shqiptare nga Greqia.
Është masakra e parë dhe më e madhe që nazistët gjermanë kryen ndaj popullsisë civile në Shqipëri, në vitet e Luftës II Botërore. Ata rrafshuan fshatin Borovë dhe vranë 107 veta, ndër të cilët gra, fëmijë, pleq e plaka dhe njerëz të tjerë të pambrojtur, kurse në Barmash u ekzekutuan 8 persona te tjerë.
Masakra e Borovës ngjalli një urrejtje dhe revoltë në mbarë popullin shqiptar dhe u bë simbol i sakrificës së popullit shqiptar në Luftën II Botërore.
Ndërkohë Bashkia Kolonjë njoftoi nëpërmjet rrjeteve sociale se pas homazheve te Memoriali kushtuar Martirëve të Borovës, do të jepet edhe statusi i dëshmorit, viktimave të kësaj masakre. ///
ME SHUME LAJME
AKU kërkon tërheqjen nga tregu të sallamit “Galbanetto”, rrezik serioz për shëndetin
Sarandë. Polici merret peng nga të ndaluarit për disa orë brenda Komisariatit.AMP nis hetimet.
POETËT PA POEZI