SPAK arreston shoferin sekser, i mori qytetarit 3 mijë € për t’i legalizuar hotelin në Sarandë

Është arrestuar Hamza Tola, një shofer pranë Ministrisë së Drejtësisë për akuzën e korrupsionit.

Hamza Tola, ka punuar si shofer edhe pranë ish-Prokurorisë së Krimeve të Rënda në Tiranë.

Arrestimi i Tolës është kryer mbrëmjen e djeshme nga prokuroria e Posaçme SPAK, pasi prokurori Elvin Gokaj, i kërkoi gjykatës caktimin e masës së sigurisë “arrest në burg” për Tolën.

Hamza Tola, i mori qytetarit një shumë prej 3 mijë euro për të legalizuar një hotel në Sarandë. Puna ka mbaruar për tre javë, por shumë shpejt Hamza Tola, ka vijuar të kërkojë sërish para për hipotekimin e pronës, pasi kishte lidhje të forta në hipotekën e Sarandës.//