Tërmeti në Turqi dhe Siri, Presidenti Begaj: Thellësisht i trishtuar

Presidenti i Republikës, Bajram Begaj reagoi sot pas tërmetit shkatërrues që goditi Turqinë Juglindore në kufi me Sirinë, ku mbi 600 persona kanë mbetur të vdekur.

Në një postim në rrjetet sociale, Presidenti Begaj, shprehu solidaritetin e shqiptarëve në krah të njerëzve të prekur nga tërmeti.

“Thellësisht i trishtuar nga tërmeti shkatërrues që goditi Turqinë dhe Sirinë këtë mëngjes. Unë dhe shqiptarët qëndrojmë pranë njerëzve të prekur dhe familjeve që humbën të dashurit e tyre në këtë tragjedi të tmerrshme. Mendimet dhe lutjet tona të sinqerta janë me ata”, shkroi Begaj.///