13 shkurti do të jetë një Ditë Zie Kombëtare në Shqipëri.

13 shkurti do të jetë një Ditë Zie Kombëtare në Shqipëri. Lajmin e dha kryeministri Edi Rama, i cili thotë se vendi ynë solidarizohet me Turqinë për tërmetin tragjik që goditi vendin dhe shkaktoi mijëra viktima.

“Qeveria Shqiptare ka vendosur që e hëna, 13 shkurt, do të jetë DITË ZIE KOMBËTARE në shenjë dhimbjeje e lutjeje për viktimat e tragjedisë së madhe të tërmetit në kufirin turko-sirian, si edhe në shenjë solidariteti me Turqinë mike, e cila na u gjend pranë kur një fatkeqësi e ngjashme goditi Shqipërinë pak kohë më parë. Ulja e flamurit kombëtar në gjysmë shtize dhe ndezja e një qiriri nga çdonjëri sipas dëshirës e mundësisë, do të jenë shenjat kuptimplota të një të hëne të shenjuar prej dhimbjes njerëzore e solidaritetit popullor që i kapërcejnë kufijtë tanë”, shkruan Rama.///