Himarë. Turisti çek humb jetën gjatë hedhjes me parashutë!

Një ngjarje e rëndë ka ndodhur mesditën e sotme në Himarë, ku ka humbur jetën një turist çek.

Burime nga policia, bënë të ditur se ngjarja ku humbi jetën 70-vjeçari me inicialet P. S., ka ndodhur rreth orës 15:00 në vendin e quajtur ‘Përroi i Palasës’.

Informacioni paraprak i Policisë:

Sot, rreth orës 15:00, shtetasi çek P. S., rreth 70 vjeç, pas hedhjes me parashutë, dyshohet se ka humbur kontrollin mbi parashutën, për shkak të arrestit kardiak, dhe ka rënë në vendin e quajtur “Përroi i Palasës”, ku si pasojë ka humbur jetën. Grupi hetimor ndodhet në vendngjarje dhe po punon për sqarimin e plotë të rrethanave të ngjarjes./sarandaNews.al///