“DC News”: Pushime të paharruara në Sarandë, pjesë e “Maldiveve të Evropës”

– Saranda ndodhet në breg të një mali që përfundon në det, ndaj të gjitha rrugët janë në pjerrësi, në varësi të drejtimit të udhëtimit, shkruan në një artikull gazetari Florin Ravdan në të përditshmen rumune “DC News”. Shqipëria është një vend i përballueshëm për turistët.

Në Sarandë mund të gjeni plazhe private të lira, 12 euro/2 shezlong dhe një çadër, por edhe plazhe të shtrenjta, 25 euro shezlongu.

Megjithatë, në Sarandë ka edhe një plazh publik, mjaft i gjerë, për të cilin nuk kërkohet një pagesë. E vetmja pengesë është se ju duhet të uleni në peshqir, pasi nuk ka shezlong.

Në Sarandë nuk ka plazhe me rërë, por vetëm me zhavorr. Në plazhet private me shezlong, hyrja në ujë bëhet duke zbritur një shkallë.

Në plazhin publik, hyrja është mjaft e qetë, në 3-4 metra nga bregu, uji është 1,7 metra i thellë.

Uji i detit është bruz si rezultat i gurëve. Nëse nuk ka dallgë, uji është i pastër kristal dhe mund të shihni peshqit që notojnë në një distancë të shkurtër nga bregu, 1-2 metra.

Krahas Ksamilit, edhe Saranda është pjesë e të ashtuquajturës “Maldivet e Evropës”.

Në restorante mund të hahet shumë mirë me 100 euro për 2 persona, por edhe me 25 euro.

Për sa i përket pijeve, një birrë kushton 5-6 euro, por edhe 2-3 euro.

Përveç plazheve kryesisht në jug të vendit, Shqipëria ofron edhe alternativa për ecje. Ju mund të vizitoni Parkun Kombëtar të Butrintit, i cili përfshin edhe një kala. Hyrja në Parkun Kombëtar të Butrintit kushton 10 euro për person.///