Moti i keq në bregdet, Drejtoria Detare apel për mjetet e vogla lundruese

Drejtoria e Përgjithshme Detare informoi sot se në bazë të parashikimit për situatën hidrometeorologjike në datat 25-26 moti do të jetë i përkeqësuar.Sipas DPD, moti do të jetë i përkeqësuar përgjatë bregdetit shqiptar dhe era do të fryjë në drejtimin veri-perëndim deri në forcën 6-7bft me shpejtësi ere deri 25m/s dhe lartësi dallge nga 1.50 deri 2.50 metra.DPD njofton drejtuesit e mjeteve te vogla lundruese dhe anijet e peshkimit që operojnë përgjatë bregdetit shqiptar të kenë në konsideratë kushtet e parashikuara të përkeqësuara dhe marjen e masave për sigurimin e tyre me qëllim parandalimin e situatave dhe incidenteve detare gjatë këtyre dative.

“Anijet e transportit ndërkombëtar detar do të vazhdojnë të operojnë normalisht sipas destinacioneve. Përmirësimi i situatës hidrometeorologjike të përkeqësuar për mjetet e vogla lundruese dhe të peshkimit do të jetë mbas orës 16:00 të datës 26 nëntor”, tha DPD.///